အပိုင်း(၅) မိဖတိုင်း သိထားသင့်သော ကလေးများ၏ အစောပိုင်း ကာလတွင် ကစားခြင်း၏ အရေးပါပုံ

အပိုင်း(၅)

ကစားခြင်း၏အရေးပါခြင်း(သို့) တန်ဖိုး

ကစားခြင်းမှဖွံ့ဖြိုးသည်ဆိုသည်မှာ အမှန်တကယ်ပင် အံ့သြစရာကောင်းပြီး ၊ အားလုံးသော ကျွမ်းကျင်မှုအတတ်၊ စဥ်းစားနိုင်မှု ဖြေရှင်းနိုင်မှုတို့သည် ကလေးငယ်များအတွက် ကစားခြင်းတစ်ခုထဲနှင့် အားလုံးကို ပြည့်စုံထူးချွန် အောင်ပို့ဆောင်ပေးနိုင်ပါသည်။

ကစားခြင်းဖြင့်ရရှိနိုင် သောဖွံ့ဖြိုးမှု များ ထဲမှ ဖွံ့ဖြိုးမှု အချို့ကို လေ့လာကြည့် မည် ဆိုလျှင်......

✸ရုပ်ပိုင်းဆိုင်ရာ ဖွံ့ဖြိုးမှု

ကလေးများအတွက် ကြွက်သားကြီး( Gross Motor Skill) နှင့်အတူ ကြွက်သားငယ် (Fine Motor Skill) တို့ကို ဖွံ့ဖြိုးစေပါသည်။

ကြွက်သားကြီးဖွံ့ဖြိုးမှု( Gross Motor Skill) 

ကြွက်သားကြီးဖွံ့ဖြိုးမှု( Gross Motor Skill) ဥပမာများမှာ

_ မတ်တပ်ရပ်ခြင်း

_ ပြေး၍ကစားခြင်း

_ တွယ်တက်၍ကစားခြင်း

_ စက်ဘီးစီးခြင်း (သို့) စက်ဘီးစီးသကဲ့သို့ ခြေနင်းရှိသော ကစားစရာ ပစ္စည်းများ(သို့) တူရိယာပစ္စည်းများဖြင့်နင်း၍ကစားစေခြင်း

_ ခုန်ပေါက်ဆော့ကစားခြင်း

_ လက်ကိုအသုံးပြု၍ ပစ်ပေါက်၍ကစားခြင်း (ဥပမာ ဘောလုံးကို ပစ်ပေါက်၍ကစားခြင်း)

_ လူးလှိမ့်ခြင်း ( ဥပမာ ဂျုံနယ်ခြင်း၊ ဘိုးလင်းကစားခြင်း၊ အရောင်ရှိ၍ အန္တရာယ်ကင်းသောပျော့ပြောင်းသောအရာများကို နယ်ဆုပ်၍ ကစားစေခြင်း)
_ ပစ္စည်းများကို ဖမ်း၍ကစားခြင်း ( ဥပမာ ဘောလုံးပစ်ပေးသည်ကို ထိူ ဘောလုံးကို ရအောင်ဖမ်းယူခြင်း)
_ဟန်ချက်ညီအောင် ကစားစေခြင်း
_ ကန် ၍ကစားခြင်း
_ခုန်ပေါက်၍ကစားခြင်း
_ စုံခုန်၍ကစားခြင်း (ဥပမာ ကြိုးခုန်ခြင်း)
_ ချိတ်ဆွဲ၍ ကစားခြင်း
_ ခြေလှမ်းဟန်နေဟန်ထားနှင့်ညှိ၍ကစားခြင်း
_ မြင်းစီးတမ်းကစားခြင်း (မြင်းစီးသကဲ့ သို့ ကစားစရာပစ္စည်းများနှင့်ကစားခြင်း)

အထက်ပါ ကစားခြင်းများသည်  Gross Motor Skill (ကြွက်သားကြီး)  ကိုဖွံ့ဖြိုးစေရန်၊ ကလေးများ၏ ကိုယ်နေဟန်ထား၊ ခုံပေါ်တွင် ဟန်ချက်ညီညီ ထိုင်နိုင်ရန် စွမ်းရည်၊ အာရုံစူးစိုက်မှု ရှိစေရန်၊ လှုပ်ရှားမှု အသီးသီးကို ဟန်ချက်ညီစေရန် ကောင်းစွာထိန်းချုပ်မှူရှိစေရန် နှင့် တစ်ခြားသောအကြောင်းအရာ များစွာကို များစွာ အထောက်အကူပေးပါသည်။

အချို့သောကလေးများသည် ၎င်းတို့၏ ငယ်စဥ်ဘဝ အစောပိုင်းကာလများနှင့် ဆယ်ကျော်သက်အချိန်ကာလများမှာ အားကစားတွင်ပါဝင်ကစားခြင်း မရှိခြင်းနှင့် ကစားချိန်နည်းခြင်းတို့သည် ကြွက်သားကြီးကောင်းစွာ ဖွံ့ဖြိုးမှု မရှိနိုင်သလို ဖွံ့ဖြိုးမှု တွင်အားနည်းတတ်ပါသည်။ ကြွက်သားငယ်ဖွံ့ဖြိုးမှု မစတင်ခင် ကြွက်သားကြီးဖွံ့ဖြိုးမှု စတင်ဖွံ့ဖြိုးရမှာ ဖြစ်ပါသည်။