အပိုင်း(ရ) မိဖတိုင်း သိထားသင့်သော ကလေးများ၏ အစောပိုင်း ကာလတွင် ကစားခြင်း၏ အရေးပါပုံ -အသိဉာဏ်ဖွံ့ဖြိုးမှု

အပိုင်း(၇)

✸ အသိဉာဏ်ဖွံ့ဖြိုးမှု

ကစားခြင်းမှနှိုးဆွလှုံ့ဆော်ပေးသောအခါ တစ်ချို့သောအသိဉာဏ်ကို ဖွံ့ဖြိုးစေသော အပိုင်းများလည်းရှိပါသည်။

ကစားခြင်းသည် မှတ်ဉာဏ်ကို တိုးတက်ကောင်းမွန်စေရန် ပြုလုပ်ပေးနိုင်ပြီး ဦးနှောက်ဖွံ့ဖြိုးမှု တို့ကို လည်းတိုးတက်ကောင်းမွန်စေပါသည်။

ဖွံ့ဖြိုးမှု နှင့် လှုံ့ဆော်နိုင်ခြင်း မရှိသော ၊ ဖွံ့ဖြိုးမှုနှေးသောကလေးငယ်များကို အဆက်မပြတ်ဖွံ့ဖြိုးကြီးထွားရန် တူညီသော ဖွံ့ဖြိုးမှုဆိုင်ရာပုံစံများအတိုင်းလိုက်နာ၍  ကစားပေးခြင်းသည် အမှန်တကယ်ပင်လိုအပ်သောထိုကဲ့သို့သော ကလေးများအတွက် အခြေခံလိုအပ်ချက်ပင်ဖြစ်ပါသည်။
ကလေးများကို အဆက်မပြတ်သင်ယူစေခြင်း ထက် နားချိန်ပေးပြီးသင်ယူစေခြင်းသည် အာရုံစူးစိုက်မှု့ကို ပိုမို၍ ကောင်းမွန်စေပြီး ကလေးများသင်ယူမှုတွင် ဖွံ့ ဖြိုးတိုးတက်စေပါသည်။
ကျောင်းနေရန် အရွယ်မရောက်သေးသော မူကြိုအရွယ်ကလေးငယ်များကို လွတ်လပ်စွာ ကစားရန် အခွင့်အရေးပေးသော အခါထိုကလေးငယ်များသည်လုပ်ဆောင်မှုများအပေါ်  တိတ်ဆိတ်ငြိမ်သက်စွာ အချိန်ကြာမြင့်စွာ အာရုံစူးစိုက် လာနိုင်ကြပါသည်။
၎င်းတို့ အကြာကြီးငြိမ်သက်နေသည်မှာ ၎င်းတို့စိတ်ဝင်စားသောကစားနည်း(သို့) လုပ်ဆောင်မှု့တစ်ခုခု တွင် အမှန်တကယ်ကိုပင် စိတ်ဝင်တစားနှင့် အချိန်ကြာမြင့်စွာ အာရုံစူးစိုက်နေကြသည်မှာ ၎င်းတို့သည် အန္တရာယ်ကင်းရှင်းပြီး လုံခြုံသောပတ်ဝန်းကျင်တွင် လွတ်လပ်စွာ ကစားနေရသောကြောင့်ဖြစ်ပါသည်။

ကလေးများသည် ကစားရန် အချိန်ရပြီး လွတ်လပ်လပ် လှုပ်ရှားရသောအခါတွင် ၎င်းတို့လုပ်ဆောင်ရမည့်

သင်ခန်းစာ လေ့ကျင့်ခန်းများကို အာရုံစူးစိုက်မှု ပိုမိုကောင်းမွန်လာစေပါသည်။

ကစားစဥ်တွင်ကလေးများသည် ၎င်းတို့ ကိုယ်တိုင်ပြဿနာများကို နည်းလမ်းကောင်းများရှာဖွေဖန်တီး၍ ပြဿနာများကို အဖွဲ့လိုက်စဥ်းစား ဖြေရှင်းလာနိုင်သောကြောင့် ၎င်းတို့၏ အတွေးအခေါ်ပိုင်းဆိုင်ရာနှင့် ပြဿနာများကို ဖြေရှင်းနိုင်သောစွမ်းရည်မှာ ပိုမိုပြီးလှုံ့ဆော်ပေးသောကြောင့် ကလေးများ၏ အသိဥာဏ်ဖွံ့ဖြိုးမှု မှာ ပိုမိုဖွံ့ဖြိုးလာပါသည်။