အပိုင်း(၆) မိဖတိုင်း သိထားသင့်သော ကလေးများ၏ အစောပိုင်း ကာလတွင် ကစားခြင်း၏ အရေးပါပုံ ( ကြွက်သားငယ်ဖွံ့ဖြိုးမှု( Fine Motor Skill)

အပိုင်း(၆) ကြွက်သားငယ်ဖွံ့ဖြိုးမှု( Fine Motor Skill) 

ကြွက်သားငယ်ဖွံ့ဖြိုးမှု( Fine Motor Skill) ဥပမာများမှာ-

_ မျှော်စင်လေးများတည်ဆောက်ခြင်း

_ ရေဗူး၊ အချိုရည်ဗူးများနှင့် အခြားသောအန္တရာယ်ကင်းသော ဘူးများဖွင့်စေခြင်း

_ ကောက်ကြောင်းလိုက်စေခြင်း

_ ရောင်စုံခဲတံများကို ကိုင်စေခြင်း

_ သီကုံးစေခြင်း၊ ကစားစရာဝက်အူလေးများဖြင့် အရစ်ဖော်ထားသော ကစားစရာ၊ (ဖလင်၊ တိတ်ခွေ၊ ကြိုးတို့ကို ရစ်ပတ်စေခြင်း။ (ကလေးများကစားစဥ်တွင် အန္တရာယ်ကင်းစေရန် လူကြီးများကစောင့်ကြည့်ပေးရပါမည်။)

_ ညှပ်စေခြင်း( စက္ကူညှပ် သည့်ကပ်ကြေးဖြင့် ညှပ်စေခြင်း)

_ ပဟေဠိကစားစရာ များကို ပြီးပြည့်စုံအောင်ဆက်ခိုင်းစေခြင်း

_ကလေးကိုယ်တိုင် အဝတ်အစားဝတ်ဆင်စေခြင်း

_ သွားကို ကိုယ်တိုင်တိုက်စေခြင်း

_ အရောင်ခြယ်စေခြင်း

_ လွယ်ကူသော(သို့) တရိစ္ဆာန် ပုံ၊ ပန်းပုံ၊ ကစားစရာပုံများကို ကလေးများအားပြသ၍ အလားတူပုံရရှိအောင် ဆွဲခိုင်းစေခြင်း

_ Lego ( ရောင်စုံပလတ်စတစ်တုံးလေးများ)နှင့် အဆောက်အဦးများဆောက်လုပ်ကစားစေခြင်း

-ပုံဆွဲခြင်း အစရှိသော လုပ်ဆောင်မှုများ သည် ကလေးများ၏ကြွက်သားငယ်များကိုဖွံ့ဖြိုးကြီးထွားသန်မာစေပါသည်။

ကြွက်သားကြီးနှင့် ကြွက်သားငယ် နှစ်မျိုးလုံးဖွံ့ဖြိုးသောအခါ ခဲတံကိုကောင်းစွာကိုင်တွယ် ဆုပ်ကိုင်နိုင်ပြီး ကိုယ် ကာယကျန်းမာသန်စွမ်းမှု့တွေရှိပြီး ကျန်းမာဖွံ့ဖြိုးသော ကလေးငယ်များဖြစ်လာပါသည်။ ထိုကလေးငယ်များသည် စာလုံးပုံသဏ္ၓန်များကို မှန်ကန်စွာမှတ်သားနိုင်ပြီး လိုင်းပေါ်မှာ စာရေးခြင်းတို့ကို အကောင်းဆုံးလုပ်ဆောင်နိုင်လာကြမှာ ဖြစ်ပါသည်။

ထို့ကြောင့် ကလေးငယ်များကို အကောင်းဆုံး၊ အတော်ဆုံးနှင့် ကျန်းမာဖွံ့ဖြိုးသန်စွမ်းစေပြီး စိတ်ဓာတ်
ခိုင်မာသောလူတော်တစ်ယောက်ဖြစ်စေရန် ဘယ်လိုလေ့ကျင့်သင်ကြား ပေးရမည်လည်း။

ကြွက်သားကြီးနှင့် ကြွက်သားငယ်ဖွံ့ဖြိုးမှု့အတွက် မှန်ကန်၍နည်းစနစ်မကျပါလျှင် ကလေးများသည် စာဖတ်ခြင်းနှင့် စာရေးခြင်းတို့တွင် ထိထိရောက်ရောက် အကျိုးသက်ရောက်မှု့ရရှိမည် မဟုတ်သည်ကိုသိရှိနားလည်ပြီးမှန်ကန်၍နည်းစနစ်ကျစေရန် လေ့ကျင့်သင်ကြားပေးရ ပါမည်။